मुंबई उपनगर जिल्ह्यातील नगर भूमापनाचे काम सन १९६३-१९७० च्या कालावधीत झाले आहे . मुंबई उपनगर जिल्ह्यात एकूण ८६ गावांचा समावेश असून त्या सर्व ८६ गावांचे नगर भूमापन अभिलेखांचे जतन व परिरक्षण भूमी अभिलेख कार्यालयां मार्फत केले जाते .सर्व गावांसाठी स्वतंत्रपणे मिळकतीचे धारक निहाय मिळकत पत्रिका व नकाशा १:५०० चा परिमाणात तयार करण्यात आला आहे .
यात प्रामुख्याने मिळकतीची मोजणी ( सीमा निस्चती ,पोटहिस्सा ,बिनशेती , भूसंपादन ,रोड सेटबॅक,इ )विविध प्रकारचे मोजणी चे काम ,तसेच मिळकती चे फेरफार ( खरेदी ,बक्षिसपत्र, हक्कसोड ,वारस ,गहाणखत , इ .) द्वारे मिळकतीवर होणाऱ्या हस्तांतरणाची नोंद घेऊन अभिलेख अद्यावत ठेवण्याचे कामकाज केले जाते.

जिल्हा अधीक्षक भूमी अभिलेख ,मुंबई उपनगर जिल्हा यांचे अखत्यारीत १० नगर भूमापन कार्यालये व १ उपअधीक्षक भूमी अभिलेख कार्यालय येत असून त्यावर नियंत्रण अधिकारी म्हणून ते कामकाज करतात . तसेच जिल्हा अधीक्षक भूमी अभिलेख हे जिल्हाधिकारी यांचे तांत्रिक सल्लागार आणि नगर भूमापन अधिकारी यांचे अपिलीय अधिकारी म्हणून ते कामकाज पाहतात .
मुंबई उपनगर जिल्ह्यात ३ तालुके अंधेरी,कुर्ला ,बोरिवली असून नगर भूमापन कार्यालय निहाय कार्यक्षेत्र खालील प्रमाणे आहे.